WARNING_SIGNS // 你部電腦有冇以下情況？
如果中 2 項或以上，就唔建議再拖。灰塵同散熱問題好多時係慢慢惡化，到自動熄機先處理已經遲咗半步。
風扇起飛狂轉
開機無耐，散熱風扇就發出高頻嘈音，日常使用同打機都好滋擾。
打機突然窒 / 跌 FPS
玩玩下大作突然卡頓，有機會係高溫令 CPU / GPU 降頻，效能被迫下降。
無故藍畫面 / 自動熄機
散熱異常、灰塵積聚或硬件老化，都可能令電腦出現不穩定情況。
SYSTEM_DATA_NETWORK // 系統・資料・網絡
我們唔係只係用氣槍隨便吹走表面灰塵，而係按電腦實際情況，處理散 熱、風道、線路同系統流暢度。
DECISION_MATRIX // 唔知揀 $400 定 $600？
唔好淨係用價錢揀，要睇部機年期、用途、溫度同積塵程度。
選 $400，如果你係：
✔️ 電腦仍然正常使用
✔️ 只係想做基本清塵
✔️ 機箱唔算太污糟
✔️ 主要想更換 CPU 散熱膏
✔️ 未出現嚴重過熱或自動熄機
選 $600，如果你係：
✔️ 部機已用超過 2 年
✔️ 平時會打機、剪片、長時間開機
✔️ 風扇好嘈，溫度明顯偏高
✔️ 已經出現降頻、自動熄機、卡頓
✔️ 機箱線路亂，入面積塵嚴重
✔️ 想順手優化 Windows 同開機速度
SERVICE_FLOW // 上門保養流程
先了解、再檢查、確認方案後先動工。唔會一嚟就拆，一定先講清楚。
01
WhatsApp 了解
先影機箱內部、溫度畫面或講低症狀。
02
上門基本檢查
檢查積塵、風扇、散熱膏、風道同系統。
03
確認方案
確認基本保養或深度保養後先開始處理。
04
清潔優化
按方案清塵、換膏、理線及系統優化。
05
完成測試
檢查開機、風扇、溫度及基本運作。
我們不單只是清塵，
做到唔嘈、唔熱、唔卡、唔壞才是長遠目標。
電腦散熱問題好多時唔係即刻壞，而係慢慢惡化。一開始可能只係風扇嘈，之後變成溫度高，再之後係打機降頻、開機慢、自動熄機。
SERVICE_SCOPE_NOTES
❗️以上價錢為上門保養工程費用。
❗️偏遠地區另加 $100–$200。
❗️如需額外更換零件，會先報價，客人確認後才處理。
❗️筆記型電腦清塵、顯示卡拆解清潔、水冷保養需另行報價。
❗️火牛一般只清理外部、入風位及表面灰塵，不建議拆開火牛內部處理。
MAINTENANCE_FAQ
清塵保養常見疑問解答｜價錢、流程、風險一次講清楚
電腦需要幾耐清一次塵同換散熱膏？
一般建議每 1 至 2 年 做一次清塵保養。如果屋企多塵、有養寵物、長時間打機、剪片、直播或者長時間開機，建議每年檢查一次。散熱膏如果已經乾裂，溫度會明顯上升，風扇亦會更易長時間高速運轉。（可參考文章：電腦其實幾耐保養一次？）
會唔會清完先話要加錢？
不會。任何額外收費，例如更換零件、額外拆解、特殊機箱、水冷處理、顯示卡拆解、手提電腦拆機或嚴重氧化處理，都會先報價，客人確認後才處理。未確認之前唔會直接加錢動工。
清塵會唔會有風險？
正常清塵風險很低，但舊機、螺絲滑牙、膠件老化、主板氧化、入水痕跡、顯示卡老化或風扇軸承磨損，都有機會令處理難度增加。師傅會先檢查狀態，如發現有風險，會先講清楚再決定是否繼續。
顯示卡會唔會拆開換散熱膏？
一般清塵保養會清理顯示卡外部、風扇及散熱鰭片表面。如需要拆開顯示卡更換散熱膏或導熱貼，會按型號、螺絲狀態及保養風險另行報價，並先取得客人確認。
水冷電腦可以清塵保養嗎？
一體式水冷可以做基本外部清潔及風扇 / 冷排除塵，但如果涉及水冷液、喉管、自組水冷、漏水風險或拆裝冷頭，需要另外報價及評估。水冷保養唔建議用普通清塵價錢直接處理。
保養大概要幾耐？
一般基本保養約 45 至 90 分鐘，深度保養通常約 1.5 至 2.5 小時，實際時間視乎機箱大小、積塵程度、理線難度、硬件數量及現場情況而定。如發現其他問題，師傅會先同你確認再處理。
清塵後會唔會保證溫度一定下降？
清塵、更換散熱膏同改善風道通常可以改善散熱，但實際溫度會受 CPU / GPU 型號、散熱器級別、機箱風道、室溫、風扇老化及硬件本身狀態影響。所以我哋會以「改善散熱狀態」為目標，但唔會承諾每部機一定下降指定度數。
$400 同 $600 最大分別係咩？
$400 基本保養主要適合仍然正常使用、只係想做日常清潔嘅電腦；不作全機拆解。$600 深度保養會做更完整拆機處理，包含深度除塵、理線、風道整理、BIOS / Windows 基本優化、氧化位置清理及全機健康檢查，適合高溫、風扇嘈、打機降頻或使用多年嘅電腦。
清塵保養會唔會令電腦快返？
如果慢機原因係過熱降頻、風扇散熱差、垃圾軟件太多或者系統負擔重，保養後有機會明顯改善。但如果原因係 HDD 老化、RAM 不足、CPU 太舊、SSD 壞塊或者系統嚴重損毀，就可能需要升級硬件或重裝系統。
火牛可唔可以拆開清？
一般不建議拆開火牛內部，因為火牛涉及高壓及安全風險。正常保養會清理火牛外部、入風位及表面灰塵。如火牛本身有異味、異響、不穩定或過熱，會建議直接檢查或更換，而唔係冒險拆開維修。
手提電腦 Notebook 可以做呢個服務嗎？
可以，但 Notebook 拆機難度差異好大，有啲型號好易拆，有啲要拆底殼、鍵盤、主板，甚至涉及易碎排線。手提電腦清塵及更換散熱膏需要按型號、拆機難度及風險另行報價。
上門前我需要準備啲咩？
建議先預留一個乾淨工作位置，準備好電源插座，並提前備份重要資料。如果可以，請先影低機箱內部、溫度畫面、風扇位置或講低症狀，師傅可以更快判斷應該做基本保養定深度保養。
如何判斷我需要 PTM7950 或 液態金屬？
可以，但要睇電腦型號、溫度表現、散熱設計同拆機難度。一般桌上電腦多數用高質素散熱膏或 PTM7950 已經足夠；高階電競 Notebook 如果原廠使用液態金屬，就要按型號判斷是否適合繼續使用液態金屬。PTM7950 較穩定、風險低；液態金屬導熱更強，但有導電及滲漏風險，需要做好防護處理。最終會由師傅根據型號、溫度及現場狀況建議。
影龍電腦及媒體服務有限公司
West Wing 2/F, 822 Lai Chi Kok Road, Cheung Sha Wan, Kowloon
九龍長沙灣荔枝角道822 號2 樓西翼
商業登記號碼：74448309-000-09-24-A
備註：本公司為上門及到府服務；上述地址為登記地址（非對外門市）。
+852 5398 6487