• 檢查螢幕線（HDMI / DP）是否連接至顯示卡輸出 • 重插記憶體（RAM） • 檢查顯示卡（Display Card）

• 按Error Code 逐步排查（如MEMORY_MANAGEMENT） • 如無重要資料，可考慮重裝系統

• 檢查電源供應器與風扇 • 監測CPU 溫度

• 檢查HDD / SSD 健康度與剩餘空間 • 使用Windows Defender 全盤掃描 • 檢查電腦溫度

電腦突然 freeze 有機會係硬碟老化、RAM 接觸不良、顯示卡過熱、散熱不足，甚至 Windows 損壞引致。可先觀察喺開咗啲乜程式時出現，然後檢查溫度、風扇及硬碟健康度。如 freeze 頻密，建議即刻備份資料及安排專業檢查。

開機速度變慢可能係因為硬碟故障、SSD 老化、Windows 啟動檔案損壞，或過多啟動項目。可先試「自動修復」或用 USB 啟動工具做修復，如問題持續，建議檢查 SSD/HDD 健康度及系統檔案。

風扇聲大或機身過熱通常係因為積塵、風道阻塞、散熱膏乾裂、風扇壞軸或水冷老化。過熱會令電腦自動降速甚至突然關機，建議定期清灰上膏，如溫度依然過高需檢查散熱器或 CPU 接觸情況。

經常彈出廣告通常係安裝咗第三方軟件、流氓插件或惡意程式。建議先移除最近安裝嘅免費軟件，再用 Windows Defender 或 Malwarebytes 做完整掃描。如廣告仍然持續，可能要做深層清理或重裝系統。

上唔到 Wi-Fi 可以先試重啟 router 及電腦，檢查網絡設定、網絡卡及驅動程式。如電話能上網但電腦唔得，可能係網絡卡問題；如兩者都唔得，可能係網絡供應商或 router 故障。

電腦有焦味屬於高危跡象，多數與火牛（電源供應器）老化、主機板短路、線材燒焦或水冷滲水導致電流異常有關。建議立刻關機及拔電，不要再強行開機，並盡快安排專業檢查以免損壞更多零件。