充電、電池同開機
由火牛、充電接口、電池狀態同供電電路逐步分辨。插電有反應但電量唔升，都值得將原裝火牛一齊檢查。
影龍電腦 · 香港上門服務
上門手提電腦維修
Notebook 充唔到電、有聲冇畫面，定係一開程式就過熱？師傅會先分辨問題出喺邊，再講清楚可點處理、需唔需要換件，同埋有冇資料要先保留。
預約前可以準備咩？
- 記低品牌型號同故障幾時出現，例如插電先有反應，或者開程式先熄機。
- 保留錯誤畫面或短片，充電有問題可以備妥原裝火牛畀師傅一齊檢查。
- 如有重要檔案要保留，請喺拆機、轉移資料或重裝系統之前講清楚。
常見 Notebook 故障
黑屏、閃屏同屏幕破損
開機有聲但內置屏幕冇畫面，可以同外接畫面一齊比對，再查屏幕同排線。換屏前會核對面板型號。
過熱、風扇嘈同自動熄機
按問題出現時嘅負載，檢查風扇、散熱接觸同積塵，評估需唔需要清塵、換散熱材料或再查其他故障。
鍵盤、觸控板同接口
分辨係單粒掣、整組鍵盤定個別接口問題，再檢查設定、接觸同配件。拆機工序按型號報價。
SSD、開機慢同資料保留
先檢查儲存裝置同系統狀態。升級、轉移資料同重裝 Windows 可以分開確認。
實際處理案例
元朗案例｜插住火牛，電量仲一路跌
檢查電池同充電接口後，發現係火牛輸出唔穩。一開較食電嘅程式，供電問題就出現。
天水圍案例｜內置屏幕黑，外接有畫面
外接畫面正常令檢查方向集中喺內置顯示。打開檢查後發現屏幕排線鬆脫。
檢查同報價流程
- 描述故障
用 WhatsApp 提供地區、品牌型號、錯誤畫面同故障出現時嘅情況。
- 檢查及報價
先確認預約時間同基本檢查費，再交代故障、可處理選項及有冇需要留機。
- 確認後維修
你確認報價同資料處理方式後先動工，完成再測試相關功能。
上門收費可包括上門費同檢查費，預約前會確認。如果檢查確認有零件故障，而且你選擇更換，檢查費部分會喺手工費扣回。例如上門收費 $250，其中 $150 係檢查費、$100 係上門費，符合條件時從手工費扣回 $150。檢查後唔繼續維修，仍按事前確認嘅上門及檢查收費處理。
入村、偏遠地址及離島會先按地址確認上門安排同交通附加費。額外工序同零件另報，確認後先安排。
常見問題
一定要換電池先解決充唔到電？
充電故障可能同火牛、接口、電池或供電電路有關。先確認故障來源，再揀處理方法。
換 SSD 或重裝前可唔可以保留資料？
可以先提出要保留嘅檔案。師傅會評估可讀狀態，再確認備份、轉移或資料救援嘅選項。
手提電腦可唔可以即場整好？
要睇故障、拆機難度同零件供應。需要訂零件或進一步檢查時，會先同你確認下一步。
維修後有冇保養？
一般維修按同一故障提供 7–30 日跟進保養。例如無法開機修妥後保養 7 日，需要較長時間觀察嘅間歇性藍屏可有 30 日。由影龍提供嘅更換零件，首年由影龍負責保養，其後按硬件原廠保養條款。